Miércoles, 26 de abril de 2017 -

Recetas sefardíes

Todas las recetas

 Kodrero kon patatas al orno (en judeo español / ladino)

Categoría

Plato principal

Ingredientes

(para 6 personas): 1 kilos de karne de kodrero en un pedaso. 3 dientes de ajo kortados en 3 o 4 pedasos. 1/3 vazo de sumo de limon. Vazo de azeyte. 1 vazo de kaldo de geyna (gallina) o preparado kon polvo de kaldo de geyna. kucharika de kanela (para el ken le gusta). 4 patatas grandes mundadas i kortadas kada una en 8 pedasos. Sal i pimienta

Preparación


Lavar bien la karne de kodrero i kitar la gordura, al tanto ke se puede. Azer kortes en la karne i meter los ajos alientro (dentro) de estos kortes. Meter el kodrero en una pirex bastante grande o todo otro plato ke va al orno. En un recipiente mesklar el sumo de limon, azeyte, kaldo de geyna, kanela, sal i pimienta i vaziar esta meskla sovre el kodrero. Meter al orno ke ya fue kaentado de antes a 210º C. Ornar, destapado, 45 kinutos. Adjustar (agregar) las patatas al kodrero, aregarlas (regarlas) con el kaldo ke se formo. Menguar el huego (fuego) a 180º C i deshar kozer otra ora i media. De vez en kuando aregar (regar) la karne i aboltarla (darle vuelta) de una parte a la otra afin ke tome una ermoza kolor de todas las partes. Kuando el kodrero ya esta bien kocho (cocido) kitarlo del orno i tapar el plato kon una oja de aluminio para mantener la kaentor, deshar repozar 10 minutos i servir.